Marco Hansen aus Willisau
Traumgarte – i eusne Chöpf gedeiht es chlises moderns aber authentischs Paradies met mediterranem Flair.
Öpis för Chli ond Gross. Nachhaltig, pflegeliecht aber ou praktisch dörft er si. Scho set paar Mönet möche mer eus vöu Gedanke om euse rond-oms-Huus-Garten anere wonderschöne Hanglag, wo natürli aber ou sini Herusforderige met brengt. I öisere Phantasie stöued mer eus vor, wi d‘Vögu, d‘Beiali, d‘Schmetterlinge aber ou mer met de drüü Mädels, de Grossöutere ond de beide Samtpfote wonderschöni Momente i öisem Traumgarte wörde gniesse. Böim ond Strücher, echli Blüemli, e Chrüütergarte, vellecht es paar Beeristuude, öpe es Hochbeet för frösches Gmües ond e schöne Platz zom chli Si ond Spele. Öise Garte darf e Wohlfühloase för Pflanze, Tier ond Mönsch si.
Träumgärtner Verena & Marco
Quelle: Marco Hansen aus Willisau